"騰籠換鳥"
-
mtr
- Posts: 129
- Joined: Thu Oct 30, 2014 4:05 pm
Re: "騰籠換鳥"
https://www.threads.com/@_punchfrank/po ... gUtc/media
點解突然咁用人民幣
香港如果要做全球最大離岸人民幣中心，就唔可以淨係做找換店呢種低技術角色，淨係「收人民幣」
因為收完之後，要有地方擺
（複雜概念唔講，下面邏輯好重要，一定要睇）
2025年香港離岸人民幣貸款已經去到9,350億元人民幣，規模已經連續兩年達到 1萬億元人民幣
每年1萬億發行規模係咩概念？香港政府而家有6000幾億財政儲備，即係每年發債/借1.8倍香港嘅財政儲備（人民幣利息低好多，借貸成本會低啲）
所以大家要明白，人民幣市場本身已經大到你唔可能再當佢係配角，國家印咗出嚟嘅錢你係要搵地方擺，而呢啲地方一定要係可靠、會俾返利息你嘅（即係香港），咁啲人先唔會當佢係廢紙（如果一直印嘅話）
背後道理好簡單，概念同美元有少少似。當其他國家同美國做生意收咗美元，佢哋唔會全部即刻換返自己貨幣，好多資金最後會泊入美債。所以美元嘅formula係：「美元負責交易，美債券負責留錢」
而家五年規劃就係，香港幫手起一個人民幣停車場，人民幣要國際化，一定要有自己嘅「停車場」。呢個亦都係香港剩返嘅功能以及「最後嘅功能」
點解政府自己都要開始用人民幣
如果你想個人民幣市場真正行得郁，就要有 real use case
發人民幣債、還人民幣利息（人仔利息低，用佢嘅成本會平過用港元）、用人仔向供應商付款、採購。香港要幫手帶頭增加人民幣真實使用場景。「帶頭」好重要，佢會帶領香港唔同公司嘗試轉用人民幣作為交易，呢個亦都係香港必須要做到嘅貢獻
當然唔係代表聽日公務員收人民幣糧，真正值得大家留意嘅係。將來做政府、北都、跨境業務、工程、生意同採購嘅公司，肯唔肯用人民幣，可能會由optional變成basic requirement
黃金先係我覺得最值得focus嘅位
今次超哥同時話，要建立香港國際黃金交易中心
2027年會啟動黃金中央清算結算系統，港交所會推出「人民幣計價＋實物交收嘅黃金期貨」。金管局亦決定增加外匯基金黃金持有量（會不停買金），並將「真金」搬返香港
點解「人民幣」同「黃金」會突然一齊出現？
你幻想某些中東、南美國家。佢賣石油、大豆俾中國收咗人民幣，但又唔想長期揸住人民幣
以前最大問題就係收完人仔，之後點？（佢哋通常嗱嗱臨將啲人仔換成美金）
但如果香港可以俾佢人民幣 → 買債 → 買黃金 → 保障
咁持有人民幣嘅阻力自然細好多，唔使成日一收到人民幣就抌晒出嚟，然後中國同香港又要唸辦法俾返啲美金佢哋，揸到成手都係人民幣
呢個先係成個「五年規劃」最值得睇嘅地方，亦係超哥口中貢獻國家最大嘅力量，亦都係香港先做得到（交到功課，連任應該冇難度）
最後我想講真正危機會係乜
唔係聯繫匯率消失（佢係唔會消失，消息嘅話會對人民不利）
大家真正要問嘅係，當香港開始變成人民幣＋人仔債券＋黃金結算中心，香港「本土公司」同「香港人」喺入面仲有咩位置？
如果將來大量政府項目、北都、採購同金融活動愈嚟愈人民幣化。本土公司要同有內地供應鏈、人脈網絡、人民幣資金、國企背景公司直接競爭
後台、採購、行政、營運工作以後可以跨境處理，用人民幣計價成本。香港本地人工premium會剩返幾多、香港人有咩權收咁貴
呢個先係我覺得香港人應該擔心嘅地方，並唔係「我手上啲港紙聽日變廢紙」。而係以前一定要喺香港做、一定要用香港人做嘅工作，五年後仲有幾多？
再深一層，未來最核心嘅人民幣、黃金、跨境融資、大型基建，愈嚟愈由國企、國家級金融機構、內地關係企業主導，香港民企、土生背景香港人，最後係做上層decision maker，定只剩下層 execution工作可做
呢個係關乎香港人仲有冇向上流嘅空間
（多口講句）
如果你有小朋友，又希望佢哋將來做到上層、向上流嘅工作，最好早啲教佢哋認清，畢業後要應付嘅係邊一批競爭對手。佢哋將來競爭嘅唔再只係香港同齡人，而係內地國際學校、大陸資優海外背景人士，甚至已經熟悉AI跨境工作嘅一批人。競爭層次已經變咗，詳情可以睇返我上個月嗰篇大陸國際學校post
最後，如果用香港人最易明嗰句去roundup, 我會講，我哋已經進入一個更強嘅「規劃經濟」年代。呢條路大方向已經行緊，我哋控制唔到
但真正可以做嘅係，唔好睇錯重點，更加唔好將風險管理外判俾個天，亦唔好將過分樂觀嘅基因傳承俾下一代，佢哋未來嘅競爭環境、獎賞邏輯，會同我哋呢代好唔同
點解突然咁用人民幣香港如果要做全球最大離岸人民幣中心，就唔可以淨係做找換店呢種低技術角色，淨係「收人民幣」
因為收完之後，要有地方擺
（複雜概念唔講，下面邏輯好重要，一定要睇）
2025年香港離岸人民幣貸款已經去到9,350億元人民幣，規模已經連續兩年達到 1萬億元人民幣
每年1萬億發行規模係咩概念？香港政府而家有6000幾億財政儲備，即係每年發債/借1.8倍香港嘅財政儲備（人民幣利息低好多，借貸成本會低啲）
所以大家要明白，人民幣市場本身已經大到你唔可能再當佢係配角，國家印咗出嚟嘅錢你係要搵地方擺，而呢啲地方一定要係可靠、會俾返利息你嘅（即係香港），咁啲人先唔會當佢係廢紙（如果一直印嘅話）
背後道理好簡單，概念同美元有少少似。當其他國家同美國做生意收咗美元，佢哋唔會全部即刻換返自己貨幣，好多資金最後會泊入美債。所以美元嘅formula係：「美元負責交易，美債券負責留錢」
而家五年規劃就係，香港幫手起一個人民幣停車場，人民幣要國際化，一定要有自己嘅「停車場」。呢個亦都係香港剩返嘅功能以及「最後嘅功能」
點解政府自己都要開始用人民幣如果你想個人民幣市場真正行得郁，就要有 real use case
發人民幣債、還人民幣利息（人仔利息低，用佢嘅成本會平過用港元）、用人仔向供應商付款、採購。香港要幫手帶頭增加人民幣真實使用場景。「帶頭」好重要，佢會帶領香港唔同公司嘗試轉用人民幣作為交易，呢個亦都係香港必須要做到嘅貢獻
當然唔係代表聽日公務員收人民幣糧，真正值得大家留意嘅係。將來做政府、北都、跨境業務、工程、生意同採購嘅公司，肯唔肯用人民幣，可能會由optional變成basic requirement
黃金先係我覺得最值得focus嘅位今次超哥同時話，要建立香港國際黃金交易中心
2027年會啟動黃金中央清算結算系統，港交所會推出「人民幣計價＋實物交收嘅黃金期貨」。金管局亦決定增加外匯基金黃金持有量（會不停買金），並將「真金」搬返香港
點解「人民幣」同「黃金」會突然一齊出現？
你幻想某些中東、南美國家。佢賣石油、大豆俾中國收咗人民幣，但又唔想長期揸住人民幣
以前最大問題就係收完人仔，之後點？（佢哋通常嗱嗱臨將啲人仔換成美金）
但如果香港可以俾佢人民幣 → 買債 → 買黃金 → 保障
咁持有人民幣嘅阻力自然細好多，唔使成日一收到人民幣就抌晒出嚟，然後中國同香港又要唸辦法俾返啲美金佢哋，揸到成手都係人民幣
呢個先係成個「五年規劃」最值得睇嘅地方，亦係超哥口中貢獻國家最大嘅力量，亦都係香港先做得到（交到功課，連任應該冇難度）
最後我想講真正危機會係乜唔係聯繫匯率消失（佢係唔會消失，消息嘅話會對人民不利）
大家真正要問嘅係，當香港開始變成人民幣＋人仔債券＋黃金結算中心，香港「本土公司」同「香港人」喺入面仲有咩位置？
如果將來大量政府項目、北都、採購同金融活動愈嚟愈人民幣化。本土公司要同有內地供應鏈、人脈網絡、人民幣資金、國企背景公司直接競爭
後台、採購、行政、營運工作以後可以跨境處理，用人民幣計價成本。香港本地人工premium會剩返幾多、香港人有咩權收咁貴
呢個先係我覺得香港人應該擔心嘅地方，並唔係「我手上啲港紙聽日變廢紙」。而係以前一定要喺香港做、一定要用香港人做嘅工作，五年後仲有幾多？
再深一層，未來最核心嘅人民幣、黃金、跨境融資、大型基建，愈嚟愈由國企、國家級金融機構、內地關係企業主導，香港民企、土生背景香港人，最後係做上層decision maker，定只剩下層 execution工作可做
呢個係關乎香港人仲有冇向上流嘅空間
（多口講句）
如果你有小朋友，又希望佢哋將來做到上層、向上流嘅工作，最好早啲教佢哋認清，畢業後要應付嘅係邊一批競爭對手。佢哋將來競爭嘅唔再只係香港同齡人，而係內地國際學校、大陸資優海外背景人士，甚至已經熟悉AI跨境工作嘅一批人。競爭層次已經變咗，詳情可以睇返我上個月嗰篇大陸國際學校post
最後，如果用香港人最易明嗰句去roundup, 我會講，我哋已經進入一個更強嘅「規劃經濟」年代。呢條路大方向已經行緊，我哋控制唔到
但真正可以做嘅係，唔好睇錯重點，更加唔好將風險管理外判俾個天，亦唔好將過分樂觀嘅基因傳承俾下一代，佢哋未來嘅競爭環境、獎賞邏輯，會同我哋呢代好唔同