on099.com

今朝(6冃12日)同前日一樣行法, 但過咗赫蘭道落淺水灣道嗰段.........小弟幾乎大炒

去到淺水灣道110號前個右彎, 一架黑車毫無先兆從隱蔽路口抽出.
好在係行雙向, 一線落一線上. 入彎前睇過肯定後面無車, 碰巧上山方向無車.
我邊拖掣邊向右挨, 因為逢急收必㨂直, 所以諗住炒硬佢右邊車身再彈.........
點知架車好聽話咁過咗雙白線兩呎, 保持穩定前進
跟住見到上山方向有架綠van, 正好我架車行到必需跟S彎抝返向左嘅位置..........
轉左時聽到尾胎鎖咗兩下, 架車入返原來行車線.

整個過程應該兩三秒之間? 但感覺好似slow motion, 好似可以有好多時間考慮應對方法咁........
同炒車過程完全相反, 炒車只會眼前一黑, 再開眼已經瞓在地上, 你永遠唔會記得嗰一秒嘅映像.

師兄，小心。HK踩公路單車都係一種風險較大運動。。

小心！