on099.com

獲吳君如09年提名參選港姐的袁嘉敏，初選時被冠以「翻版郭可盈」，雖然勢頭好，並奪「最上鏡小姐」，可惜與大台一開始便思想分歧，去年轉簽一年一騷不平等合約，今年9月與高鈞賢、石天欣一樣先後離開大台。Candy說：「我唔明白佢哋睇法，一嚟就唔夾。我初選時頭髮係過膊頭，但佢哋逼我剪男仔頭，話我輪廓深要短髮先好睇，但我覺得選美要女性化，大家諗法唔同。」

對於近日有報導指應屆港姐僅得七千元月薪，Candy直認人工低得可憐。Candy指選美後被安排做維穩節目《東張西望》及娛樂新聞台的外勤主持，高峯期每日接四單工作，但收入卻不成正比，她說：「六百蚊一日任做，可能接四更，朝早去完機場，轉頭出銅鑼灣……但開足工，每月最多都得一萬蚊。我唔可以長期咁生活，我一定要有變化，唔係我會抑鬱。」令Candy最難堪，還是被揀中演大媽角色，她說：「之前拍《舌劍上的公堂》要我做鄭俊弘阿媽，演出時我得29歲，鄭俊弘31歲，佢仲大過我喎。好奇怪，電視台就鍾意我做良家婦女，但電影就想我做型格、硬朗角色。我只可以講，過去幾年，我都係配合TVB，佢唔使你太獨特囉，平時出去採訪人，最好啲衫冚實啲唔好有曲線。」問可有高層逼去飯局？她說：「TVB冇，出面就有，但我知唔係食飯咁簡單就推咗。」

擁有33D、24、35的惹火身段的Candy不甘被埋沒，問可覺走得太遲？Candy直說：「都會，其實我對其他藝人私生活冇乜興趣，我希望去世界各地同唔同團隊合作。」Candy加盟Paco後，正式進軍大銀幕，繼《賭城風雲》、《竊聽風雲3》、《3D豪情》等，最近更越演越大膽，參與王晶執導新片《鴨王》， 揚言不介意三點盡露，她直言要瞞住家人接拍，她說：「冇話佢哋知，始終佢哋唔係做呢一行，未必每個人都明白女藝人生涯，唔係每個咁長青可以紅足咁多年，所以我覺得有機會就要嘗試。」


男人喜歡的尤物外型，袁嘉敏都應該具備了。



袁嘉敏表示喺TVB期間，一日可能要跑4更，$600任做成日，人工低得可憐。