on099.com

https://www.threads.com/@spendwisehk_of ... dQ5lD7CLM_

會唔會盜用張卡只係煙幕，真正場戲仲未黎？

一直覺得呢單Apple度用信用卡好奇怪，因為熟少少Apple嘅流程都會知道Apple係先hold數，到出貨日之前先至會同銀行真正扣數，理論上係最少有三至四日時間可以比銀行同Apple處理，加上其他人都講過收貨嘅問題，而且即使收到貨，Apple都可以追蹤到有問題嘅機，遙控鎖機，令部iPhone 1秒變磚

而其實佢哋有咁多信用卡資料喺手，大可以喺其他網嗰度用你張卡，可以完全避開上面講過嘅問題，咁佢哋最終都選擇Apple，會唔會佢哋根本唔在意喺Apple拎唔拎到機，而係用假退款嘅方法重新包裝啲舊橋（都係要你先入數先至退到款嗰類啦），如果真係咁樣入咗數俾人，銀行就幫唔到你追，所以各位喺未來幾星期要特別小心，尤其是屋企有老人家中咗招，就更加要提醒佢哋

比較安全的做法是將網上交易集中在一張信用卡上，如其他卡出現無卡交易時就能立即發現有問題。同時將所有卡的每月消費上限調至夠用的金額，有需要時才暫時提高，可以減低被盜用時的損失。

有朋友留言，唔少商戶嘅網上支付系統沒有 Apple Pay、PayMe、AliPayHK等選項，只接受「直接輸入」信用咭資料，覺得風險唔大，但所謂大公司嘅網絡保安就一定可信嗎？

一旦信用咭底面資料都交咗出去，就有可能畀人用嚟購物，銀行同信用咭公司當然有好多方法攔截可疑交易，例如使用雙重認證，但碰到好似今次 iPhone 事件，騙徒同樣可以避開相關保安，就算無實際損失，擔心成晚都夠慘。

所以我而家只會選擇 Apple Pay 或 PayMe 等付款方式，唔會「直接輸入」信用咭資料畀任何一間公司，因為我唔畀資料人哋係可控，要求人哋做好工作係不可控。

另一項建議，就係用銀行 app 將信用咭每日交易限額調低到一二千蚊，到需要大額購物時先逐次調高，咁最壞情況都係唔見一二千，同唔見八達通損失差不多。

https://www.threads.com/@anaturallab/post/DdSyymrk9UW