今晨一段「玩命男馬路踩風火輪」的影片激起網民熱議。讀者黨先生今晨約10時坐私家車途經油麻地，赫見一名男子腳踏俗稱「風火輪」的電動單輪車，在其車旁擦身而過，然後不斷在麗翔道馬路上穿插，險象環生。
「睇到佢喺天橋前個油站，一直喺度踩，左搖右擺，之後就左穿右插。到轉彎個時，我諗住影佢前面啦，跟住見到佢喺褲袋攞部手機睇嘢！」讀者黨先生當時坐在私家車前座乘客位，看着該「玩命男」踏着風火輪，在麗翔道右轉渡船街，相當危險。
首次在馬路上看到有人踩「風火輪」的黨先生表示，適逢今天是父親節，該路段較多車，加上路面濕滑，雖然覺得很新奇，但亦覺得危險，「危險係佢唔平衡，好容易撞到其他車。佢仲擋住架的士行，架的士等咗佢一陣，大約2至3秒，先至開到車。」
黨先生隨後將片段上載互聯網，引起大批網民熱烈討論，有網民表示：「呢啲玩具喺屋企玩下咪算囉，行出馬路真係唔小心撞到你點計呀？當你車好定當你人好？」亦有網民表示在公眾場合踩「風火輪」已犯法，在馬路行駛是罪加一等。
咁會害咗個司機, 最好呢啲PK自己撞壆死 
